Январин 30-пи йигъан Мягьячгъалайиъ СВО-йиъ иштирак шулайи жигьиларин дадйириз, хпариз психологияйин кюмек тувбан Центр ачмиш гъапIну.
Думу Центр ДГУ-йин психологияйин ва философияйин факультетдиъ, психологияйин ва пишекарвалин ляхнин артмиш’валин кафедрайин бинайиинди, «Саб вуйи Урусатдин» дишагьлийирин гьяракат» партияйин проектдин региондин жямяаьтлугъ советдихъди сабси тешкил дапIна.
ДГУ-йин психологияйин ва философияйин артмиш’валин факультетдин декандин заместитель Зарема Акбиевайи мялум гъапIганси, психологияйин пишекрари бегьем дару мобилизацияйин дахилнаъди СВО-йин зонайиз душнайи жигьиларин дадйириз, хпариз, чйириз психология жигьатнаан лазим вуйи вари жюрейин кюмек тувди.
Кюмек лазим гъабхьидарихьан ДГУ-йин Мягьячгъала шагьрин Имам Шамилин ччвурнахъ хъайи кючейин 16 «а» адреснаъ ерлешмиш дубхьнайи дараматдин сабпи мертебайиъ айи 402-пи кабинетдиз илтIикIуз шулу.
