Февралин 1-пи йигъан Хив райондин М. Шамхаловдин ччвурнахъ хъайи мектебдиъ Урусатдин жигьиларин ва бицIидарин «Сарпидарин гьяракат» кIуру тешкилатдин сабпи отделение ачмиш апIбан шадлугънан серенжем кIули гъубшну.

 

 

Серенжемдиъ РД-йин Халкьдин Собраниейин образованиейинна илимдин комитетдин председатель Елена Павлюченко, дугъан заместитель Руслан Ибрагьимов, РД-йин Халкьдин Собраниейин къанунчивалин, къанун уьбхювалин, гьюкуматдин тикилишчивалин, ерли самоуправлениейин ва регламентдин комитетдин председателин заместитель Валерий Громов, Хив райондин депутатарин собраниейин председатель Садикь Исрафилов, райондин образованиейин управлениейин начальник Назаряли Тарланов, мялимар ва урхурайидар иштирак гъахьну.

Чан удучIвну улхбаъ Елена Павлюченкойи къайд гъапIганси, райондин мектебдин бинайиин ачмиш апIурайи цIийи тешкилатди улихьна йисари райондиъ арццнайи жигьиларин жюрбежюр тешкитар вари саб Урусатдин гьяракатдиз сатIи апIиди.

 

Му гьяракат чан метлебарин дерин мянайиинди варидариз багахь ву. Хива-рин мектеб Урусатдин «Сарпидарин гьяракат» цIийи тешкилат гьяракатнаъ ипдарикан сабпиб гьисаб шула.
РД-йин Халкьдин Собраниейиан дуфнайи хялар чпихъди сатIиди лихурайи гъарашугъ, Хив райондиан РД-йин Халкьдин Собраниейин депутат вуйи Расим Гьяжиагъаевдин хизандиинра улукьуз гъушну ва дугъан дадайиз, уьлкейин лайикьлу ватанпервер тербияламиш апIбаз лигну, чухсагъул мялум гъапIну. Учв Расим Гьяжиагъаев гьамусяаьт хусуси метлеб айи дявдин операцияйиъ иштирак шула.

«Ич сабпи ва асас метлеб – РФ-дин Президентдин тереф, багъри Ватан уьрхюри, игитвал ва жягьтлувал улупури, хусуси метлеб айи дявдин операцияйиъ иштирак шулайи баяриз кюмек тувувал вуйич. Расимдин хизандихъди гюрюшмиш хьпан ва сюгьбат апIбан кьяляхъ, Ватандихьна вуйи вафалувал ва фидакарвал дугъаз наънан гъафиб вуш, гъавриъ гъахьунча. Урусатдин лайикьлу эскер, деврин ватанпервер тербияламиш апIбаз дугъан абйир-бабариз чухсагъул», – гъапнийи Елена Павлюченкойи.