Февралин 28-пи йигъан РФ-дин Государствойин Думайин коррупция-йихъди женг гъабхру ва хатIасузвал уьбхру экспертарин комиссияйин вакил, пауэрлифтингдиан хайлин ражари вари Урусатдин ва Европайин чемпион, ихь ватанагьли Рустам Бегериндиз Дагъустандин Халкьдин игитрин Гъизилин хяд тувну. Му заан пешкеш тувбан серенжемар Москва шагьриъ Госдумайин дараматариъ кIули гъушнийи.

 

 

Рустам Бегериндиз «Дагъустандин Халкьдин игит» кIуру ччвур, гизаф миллетар айи Дагъустандиъ баркаллу ва лайикьлу хъуркьувалар гъадагъбаз лигну, тувуб ву.
КIваин апIуз ккундучуз, коронавирусдин вахтна, Рустамди уьлкейин меркездиан Дагъустандин медицинайин идарйириз хайлин рягьимлувалин кюмек гъапIну.