Кьягьялвалин орден тувну
25-пи апрелиъ Дагъустандин Огни шагьрин глава Жалалудин Аьлирзаев, Урусатди кIули гъабхурайи хусуси метлеб айи дявдин операцияйиъ чан улихь дивнайи дявдин месэл-йир тамам апIури, игитси гъакIи ихь ватанагьли, агъул бай Низамудин Къурбановдин адашдихъди гюрюшмиш гъахьну.
Гюрюшдиъ шагьрин кIулиъ айири Низамудин Къурбановдин адашдихьна чан балин Кьягьялвалин орден тувну. Му орден Урусатдин Президентдин указдиинди, чан жан гьяйиф дарапIди эскрин буржи ла-йикьлуди тамам апIбаз тувруб ву.
Жара дагъустанлуйирси, Низамудинра хусуси метлеб айи дявдин операция ккебгъу садпи йигъариланмина, Урусатдин сабвал ва асиллу дарувал уьрхюри, гъизгъин женгариъ гъахьнийи. Дугъу жилирвалин, кьягьялвалин, намуслувалин чешне, дявдихьна гьязурлугвалин заан дережа улупну.
Жалалудин Аьлирзаевди, багъри шагьриси, респуб-ликайира дамагъ апIрусир гьякьлу игит тербияламиш апIбаз Насур Къурбановдиз чухсагъул мялум гъапIну.
КIваин уьрхбан тахта ачмиш гъапIну
Гьаму йигъан Дагъ. Огни шагьрин 7-пи нумрайин кьялан мектебдиъ мушваъ гъурху Мамми Маммиевдиз кIваин уьрхбан тахта ачмиш апIувалин митинг кIули гъубшнийи.
Митингдиъ Урусатди Украинайиъ кIули гъабхурайи хусуси метлеб айи дявдин операцияйиъ игитси гъакIи эскрин багахьлуйир, мектебдиъ урхурайидар ва мялимар, шагьрин администрацияйин вакилар иштирак гъахьну. Мектебдиъ урхурайидари Мамми Маммиевдин жикъи биографияйикан ктибтнийи. Думу 1998-пи йисан Ставрополин крайдиъ Нефтекумскдин райондин Андрей-Курган гъулаъ бабкан гъахьну. Мамми Маммиев 2004-пи йисан Огни шагьрин 7-пи нумрайин мектебдин 1-пи классдиз кьабул апIуру. Мектеб ккудубкIбан кьяляхъ, думу Самара шагьриъ гьюкуматдин экономикайин университетдик урхуз кучIвру. Университет ккудубкIиган, Мамми Маммиевди Урусатдин Яракьлу кьувватарин жергйириъ контрактдиинди гъуллугъ апIуз хъюгънийи. Думу 2022-пи йисан 16-пи августдиъ, СВО-йиъ чан гъуллугънан буржи тамам апIури, гъакIну.
Митингдиъ, хусуси метлеб айи дявдин операция-йиъ гъийиху вари адшариз бахш дапIну, 7-пи нумрайин мектебдин 4-пи классдиъ урхурайи Урусатдин Игит Исрафил Летифович Мягьямедовдин бали Летиф Мягьямедовди шиир гъурхнийи.
Серенжемдиъ гьацира шагьрин администрацияйин, образованиейин идарайин вакилар удучIвну гъулхнийи. Дурари Мамми Маммиевдин абйир-бабариз дирбаш бай тербияламиш апIбаз чухсагъул мялум гъапIнийи.
