8-пи майдиъ, Гъалибвалин Йигъан гъаншариъ, республикайин кIулиъ айи Сергей Меликовди тафавутлу гъахьи дагъустанлуйириз гьюкуматдин заан нарградйир тувну. Лишанлу гъапIу 36 касдин арайиъ дявдин гъуллугъчйир, полицияйин вакилар ва ватандаш’валин пишйирин эйсйир айи.
«Республикайин улихь гъазанмиш гъапIу хъуркьувалариз лигну» ордендиинди ихь ватанагьли, Урусатдин Федерацияйин Игит, генерал-лейтенант Эседуллагь Абачевра лишанлу гъапIнийи.
«Узу йиз дявдин дуст Эседуллагь Абачевдиз салам тувуз кIваантIан рази вуза. Бахтнаанси, дугъу гьаму машкврар ухьухъди къаршуламиш апIура. Му дирбаш касди, военный корпусдин командири, ихь уьлкейин вари пIипIариан вуйи эскрарихъди сатIиди ЛНР-ин аьтрафариин нацис-тарин юкьян гьар уьбгъюра. Рази апIруб гьадму вуки, думу вари миллетарин эскрарин зиин идара апIурайир ихь, дагъустан Игит ву. Баракаллагь, Эседуллагь», – гъапнийи Сергей Меликовди, генерализ орден туври.
Газатдин редакцияйин коллективдин терефнаан учура ихь кьягьял ватанагьли заан наградайихъди тебрик апIури, дугъаз хъана артухъ хъуркьувалар ва сагъ’вал ккун апIурача.
