Гьар йисан Табасаран райондиъ, Ватан уьбхрурин Йигъаз бахш вуди, спортдин жюрбежюр жюрйириан турнирар гъахувал аьдатнаъ абхъна. Спортдин думу жюрйирин арайиъ волейболи асас йишв бисура.

Ватан уьбхрурин Йигъаз бахш вуди, ццийин йисанра райондиъ волейболиан сабпи йишв бадали вуйи турнир кIули гъабхиди. Дидихъди аьлакьалу вуди райондин поселенйириз дахил шулайи гъуларин волейболин команд-йирин арайиъ гьеле гьамус имиди гюрюшар кIули гъя-гъюра. Гьаз гъапиш, райондиъ сабпи йишв бадали вуйи талитариъ гъуларин поселенйирин командйирин арайиъ сабпи йишвар гъадагъдар иштирак хьиди. Магьа улихьна йигъари, райондин турнириъ иштирак хьувал гъазанмиш апIури, Къужник гъулан поселение-йиз дахил шулайи Урзигъ гъулаъ дицисдар талитар кIули гъушну. Гюрюшдиъ ЧIвурдаф, Хьарагъ, Урзигъ, Къужник, Улуз гъуларин жигьиларин командйир иштирак гъахьну. Натижайиъ сабпи йишв майдандин эйсйири – Урзигъ гъулан волейболин командайи гъазанмиш гъапIну. Кьюби йишв Къужник, шубубпи йишв – Улуз гъулан волейбол уйнамиш апIрудари гъидисну.

Шиклиъ: Урзигъ гъулан волейбол уйнамиш апIрударин команда.