Улихьна йигъари Каспийск шагьриъ ерлешмиш дубхьнайи, Аьли Аьлиевдин ччвурнахъ хъайи спорткомплексдиъ ММА-йиан талитар кIули гъушну. Думу талитар Самарайин Battle 3 тешкилатди тешкил гъапIу турнирин дахилнаан ву.

 

Талитариъ 24 спортсменди иштирак’вал гъапIну. Дурарин арайиъ ихь ватанагьлийирра а. Гьадрарикан сар вуйи, 61 кило гъагъишин айи спортсменарин арайиъ талитназ удучIву Имран Исрафиловди Азербайжандиан вуйи спортсмендиин сабпи раундиъ гъалибвал гъадабгъну.

Гьадму талитариъ иштирак гъахьи сарсана ихь спортсмен Эльдар ТIагьировдира чан гъагъишнан категорияйиъ гъалибвал гъазанмиш гъапIну. Думу 93 кило гъагъ айи спортсменарин арайиъ Азербайжан Республикайиан вуйи Эльшад Аьбдуллаевдиин гъалиб гъахьну.

Ихь спортсменар му аьхю гъалибваларихъди тебрик апIури, дурариз гележегдиъ хъана ягъал кIакIар табигъ апIувал, хъуркьувалар ккун апIурхьа.