Табасаран райондин 90 йис хьпаз тялукь вуди аьхю гьязурлугвалар гъягъюра. Магьа 20-пи августдиъ Табасаран райондин культурайин ва библиотекйирин гъуллугъчйири аьхю субботник тешкил гъапIну.

 

Табасаран райондин аьтрафариин улучIвру йишвахь хьайи, «Табасаран район» дибикIнайи стеллайихъ хъайи майдандикк ккайи плитка ккадабгъну, цIийи плитка ккивуз гьязур гъапIну.

Гьацира, Ургур чвуччвун гъалайин айитIишвра марцц дапIну, думу къайдайиз гъабхну. Ургур чвуччвун гъалайиъ зурба гьязурлугвалар гъягъюра. 28-пи сентябриъ думу гъалайиин Табасаран райондин 90 йис хьпаз тялукь вуйи аьхю фестивалра кIули гъябгъиди. Гьацира душв’ин тарихдин цIийи музейра тикмиш апIура.