Октябрин 4-7-пи йигъари Табасаран райондин Хючна гъулаъ «Водопад» лагерин бинайиинди «Табасаран-2019» ччвур тувнайи жигьиларин форум кIули гъябгъиди.

 

Форумдин ляхин кьюб терефнан дахилнаъди кIули гъябгъиди: «Жигьиларин кIакIначйир» (студентарин тешкилатарин кIулиъ айидар, РД-йин жигьиларин жямяаьтлугъ ляхнариъ жанлуди иштирак шлудар), «Туризм ва багъри юрд аьгъю апIрудар» (сиягьятчйир, шиклар йиврудар, тарих аьгъю апIрудар).

Форумдиъ 16 йислан 30 йис’ина яш айи жигьиларихьан иштирак хьуз шулу. Иштирак хьуз ккунидари сентяб-рин 29-пи йигъ улубкьайиз, «Молодежь России» АИС порталиъ аьрза гъибтну ккунду.
Серенжем «Уртахъ вуйидарин десте “Табасаран” проект уьмриз кечирмиш апIбан дахилнаъди РД-йин жигьиларин политикайин Министерствойин, «Табасаран район» муниципалин образованиейин администрацияйин ва ДГУ-йин Профсоюздин тешкилатдин кюмекниинди кIули гъабхурайиб ву.