Роспотребнадзорин РД-йиъ айи Управлениейи Дагъустандин агьалйирин гриппдиз аькси вуйи иммунизация гъабхбиин ва учIру инфекцияйин уьзрар тарагъбиин сикин дарди гюзчивал гъабхура.

 

Гъябгъюрайи йисан ноябрин вазлин аьхирариз Дагъустан Республикайин аьтрафариин тарагъру жюрейин учIру уьзрар эпидемияйин дережайилан улдучIвундар. Амма, аьзарлу гъахьидарин кьадарнакан улхуруш, мисалназ, гъубшу гьяфтайиъ кIулди вари Дагъустандиъ 2390 кас ОРВИ-йиан аьзарлу гъахьну. Дурарикан 1030 дюшюш Мягьячгъала шагьриъ гьисабназ гъадагъна.

 

Дагъустандиъ айи федералин гигиенайинна эпидемиологияйин Центрин лабораторияйин бинайиинди 252 ахтармишар гъурхну. Натижайиъ тарагъурайи вирусар гриппдин этиологияйин жюрйирикан дарувал ашкар гъапIну.

 

Гриппдин эпидемия арайиз дяргъювал себеб вуди, гъябгъюрайи йисан сентябрин вазлилан башламиш дапIну ва профилактикайин прививкйирин милли календарин пландиин биналамиш духьну, республикайиъ агьалйирин гриппдиз аькси иммунизация гъабхура.

 

Гъийин йигъаз республикайиъ 1071993 касдиз прививкйир дапIна (агьалйирин уьмуми кьадарнакан 35,7%), дурарикан 542509 бицIидар ву.