– Дада, адашдин кIул’ин гьапIуз цIибтIан чIарар алдар?
– Дугъу гизаф фикрар апIура.
– Хъа яв кIул’ин гьапIуз гизаф кушар илми?
– Ккебехъну яв аш ипIин.
* * *
Кьюр адашди сюгьбат апIура:
– Уву яв балин математикайиан вуйи задача гьял гъапIнийва?
– Ав.
– Ча, йиз балира кпикIуз.
* * *
Дадайи шураз кIура:
– Гьадму живан увухъди ихь хулаз хъади мягъян. Думу хъана гъафиш, йиз юкIв тIубкIуру.
– Ибшри, дада. Дици вуш, узу дугъахьна гъягъюз хъюгъдиза. Гъит, дугъан дадайин юкIв тIубкIри.
* * *
Дадайи бализ кIура:
– Гъарах адаш лихурайи идарайиз ва гъи дугъаз маважиб тувраш аьгъю апIин.
– Тувра, дада, – дишлади кIуру бали.
– Фици аьгъявуз?
– Адаш ляхниз гъягъруган, баллондиккан ккадагъну кьюб кьилзи арфани хьади гъушну.
* * *
Урхбан йис ккудубкIура.
– Адаш, гъюру йисан яв хайлин пул кьяняаьт хьибди!
– Фици аьгъявуз?
– Узуз цIийи китабар масу гъадагъуб герек дар. Узу классдиан адаундар.
* * *
Сар хпири чан гъуншдиз кIура:
– Жилир вердиш апIуз шули адарзухьан: дугъу пул ивнайи кисе гьар йигъан жа-жара мукьариъ иври шулу.
* * *
Кьюр жигьил хпар улхура:
– Йиз жилири узухъди гъалмагълар апIуз хъю-гъюбси, кIури шулза: «Йиз дадихьна гъягъюруза!»
– Хъа узу жараси кIури шулза: «Йиз дада ухьухьна хурза!»
* * *
Кьюр жигьил шубар живанарикан улхура:
– Узлан илдицурайи Мурад аьжайиб тIулар кайир ву.
– Фицдар?
– Сад йишван узухъди зарбди гъулхиган, гъапунза:
– Сарун уву рякъюз ккундарзуз!
Хъа дугъу акв ктIубшвну.
* * *
Кьюр жилири чпин хпарикан кIура:
– Йиз хпириз хьуб чIал аьгъя.
– Хъа йизуриз саб чIалтIан аьгъдар, амма сигьриндиан хябяхъдизкьан зат ккебехъудар.
* * *
2-пи классдиъ математикайиан дарс гъябгъюра:
– Иса, ухди йип: 5+8 фукьан шулу?
Исайи жаваб тувру: 20.
– Дюз дарва, – кIуру мялимди.
– Хъа уву, мялим, жаваб ухди тув гъапунва, хъа дюзди тув гъапундарва.
* * *
Кьюр ученик дарснаъ кчIихуру.
Мялимди дурар кьюридра доскайихьна адауру ва кIуру:
– Къаб ражари ичв ччвурар доскайик дикIай.
– Му дюз ляхин шулдар, мялим: узуз Гьясратуллагьудин кIуру, хъа дугъаз Аьли. Йиз ччвур хьуб ражари ярхиб ву. Мици вуйиган, дугъу чан ччвур варж ражари дибикIну ккнуду.
Анекдотар уч ва табасаран чIалназ таржума гъапIур Шихмягьямад Гьямидов ву
