Гьаму шиклиъ учвуз рякъюрайи Саният Рамазанова (шиклиъ гагвлахъан арчлахъинди), Гьялима Мягьямедова, Гюльфизар Уружева, Земфира Аьлимурадова Табасаран райондин кьялан больницайин поликлиникайиъ бицIидарин педиатрияйин кабинетдиъ лихурайидар ву.

Мялум вуйиганси, педиатрия-йин асас месэла – бицIидариз кюмек апIувал, дурарин артмиш’валиъ харжи дигиш’валар хьуз гъидритувал ву. Саният Рамазанова поликлиникайиъ 1978-пи йислан мина лихура, Гюльфизар Уружева – 1991-пи йислан мина, Земфира Аьлимурадова – 1990-пи йислан мина. Дурар участокдин медсестрйир ву. Дурариз чпи тамам апIурайи ляхниан ужуб тажруба а. Хъа Гьялима Мягьямедова духтир-педиатр ву. Думу больницайиз ляхниз ккудубшу йисан сентябрь вазлиъ гъафну.

Поликлиникайин кIулиъ айидари ва гъарашугъари райондин больницайин бицIидарин педиатрияйин кабинетдин коллективдин ужуб ляхин къайд апIура.