Ватандин Аьхю дявдин йисари совет уьлкейин халкьари, Яракьлу Кьувватарин кьушмари, багъри ругарилан фашистарин Германияйин чапхунчйир терг апIури, аьхю тешкиллувал, дурумлувал улупну. Думу дявдин женгариъ ихь халкьди улупу игитвалин геренар аьсрариз нумуна ва дамагъ ву. Гъазанмиш гъапIу Гъалибвалин, азадвалин кьимат лап аьхюб гъабхьну, фицики талаф гъахьи эскрарин, аьдати ватандашарин кьадар миллионариина улдубчIвну. Ватандин Аьхю дявдин йивбариъ Табасаран райондиан 3833 кас, Хив райондиан 1870 кас иштирак гъахьну. Гьяйифки, дурарикан гьацIарра кьяляхъ гъафундар. Гъи, Аьхю Гъалибвалин 75 йисандин юбилей къайд апIури, Табасаран райондиъ анжагъ кьюр ветеран (Гьясан Ражабович Ражабов ва Аьли Балажаевич Аьлиев), хъа Хив райондиъ саркьан ветеран имдрували ухьу пашманра апIура. Амма фици-вушра ухьу дурарикан гьарсарикан вуйи фик-рар пакди уьрхюз буржлу вухьа, фицики дурарин игитвал аьсрариз даимлугъ ву. Исихъ дявдин бязи иштиракчйирин ччвурар кIваина хурхьа.
Минатуллагь Уьсманович Базутаев
Ферезуллагь Сеидягьмедович Гьяжимягьяммедов
Аьгьмед Мурадялиевич Мурадялиев
Аьлимурад Аьлиханович Кьадиров
Къурбан Мягьямедович Мягьямедов
Фейтуллагь Байрамбегович Сефербегов
Гьяжибег Агъабегович Агъабегов
Гьясанпаша Мазалаевич Мазалаев
Ибрагьим Гьюсейнович Къурбанов
Мягьямедхан Агъасиевич Гьяжиев
*Бязи мялуматар Инстаграмдин «Табасаран» блогдиан гъадагънайидар ву.
