Айгуль Мягьямедова
Урусатдин Федерацияйин оборонайин министрин буйругъниинди Дагъустан Республикайин военный комиссарин гъуллугъниин Аьбдурягьман Мурадханов тяйин гъапIну.
Дявдин гъуллугънан ужуб тажруба айи офицер Аьбдурягьман Мурадхановди политикайин гъизгъин вахтна региондин военный комиссариатарин ляхин мюгькам апIбанди ву.
Дагъустандин Глава Сергей Меликовди цIийиди дерккнайи военный комиссарин гъуллугъ мубарак гъапIну. «Увуз айи тажрубайи ва ляхниз вафалували улихь дивнайи месэлйир гьял апIуз кюмек апIур кIури, умудлу вуза. Увуз хъуркьувалар ккун апIурача, хъа ич терефнаан фициб вушра кюмек тувуз гьязур вуча!» – гъапну региондин кIулиъ айири.
Аьбдурягьман Мурадханович Мурадханов СтIал Сулейман райондин Гъачалкент гъулаъ бабкан гъахьну. Хусуси метлеб айи дявдин операцияйин иштиракчира ву.
«Дявди улупу гьунарариз лигну» ва Кьягьялвалин орденариинди, Суворовдин, Жуковдин ва «Ватандин улихь улупу гьунарариз лигну» ордендин I ва II дережайин медалариинди лишанлу дапIна. Дидланра савайи, 2023-пи йисан Сергей Меликовдин къарарниинди Аьбдурягьман Мурадхановдиз Дагъустан Республикайин варитIан заан награда – «Дагъустан Республикайин улихь улупу гьунарариз лигну» орден тувну.
