Наргиз Гюлечова

16-пи сентябри Саранск шагьриъ Мягьячгъалайин футболин клуб «Динамо» ва Нижний Новгороддин «Пари НН» командйирин арайиъ Урусатдин Кубокдиз вуйи 4-пи турин матч кIули гъубшну.

 

Сабпи таймдин вахтна ихьдариз «Пари НН» командайи сабпи гол ипну, хъа кьюбпи тайм ккебгъну цIиб арайилан футбол уйнамиш апIбан къайда чIур апIбаз лигну, «Динамо» МХ командайин гьацI кьял уьбхюрайи Сослан Кагермазовдиз уьру карточка тувнийи, ва Магьячгъалайин «Динамо» командайи матч 10 футболистдихъди давам гъапIну.

Футболин матчдин 76-пи дакьикьа гъябгъюри, «Пари НН» командайин спортсменари къайда чIур апIбаз лигну, футболин судьяйи дурариз пенальти тяйин гъапIну, ва Гьямид Агъаларовди «Пари НН» командайиз сабпи гол ипну.
Мидин кьяляхъ 3 дакьикьа улдубчIвайиз ихь командайин спортсмен Мягьяммед Аззийи сабсан гол ипну ва гьисаб 2:1 гъапIну.
Къайд дапIну ккундуки, Урусатдин Кубокдиз вуйи талитарин 4-пи туриъ Мягьячгъалайин «Динамо» 1-пи йишв’ин ал.