Наргиз Гюлечова

2022-пи йисан февралин вазлихъанмина ккебгънайи хусуси метлеб айи дявдин операцияйиъ иштираквал апIурайи дагъустанлуйирин гьунарарикан вари уьлкейиз мялум дубхьна. Думу операцияйиъ Ватан ва чан юлдшар бадали гьунарар улупбиинди, сарпи Урусатдин Игитра дагъустанлу бай гъахьну. Хъа гъийин йигъаз ухьуз 13 Урусатдин Игитар духьнахьуз, гьадрарикан 3 кас табасаранлуйир ву.

 

Гьяйифки, СВО ккудуб-кIурадар…
Читин йигъар улукьиган Ватан уьбхбан бадали чпин хушниинди контракт йибтIурайидарин кьадарра гизаф дубхьна. Дицдар эскрарин арайиъ, жигьиларси, яшлу касарра а.
Улихьна йигъари саб бицIи мялумат хьади «Табасарандин нурар» газатдин редакцияйиз сар кас илтIикIнийи. Дугъу чпин гъул’ан вуйи, 62 йис яшар духьнайи, хусуси метлеб айи дявдин операцияйиз чан хушниинди гъушу Зияудин Рашидовдикан ва дугъан дустракан ктибтнийи.

Зияудин Рашидов Табаса-ран райондин Гюгьрягъ гъул’ан ву. Ватан уьбхбан гъаннаъ ади, чан бай, Урусатдин оборонайин министерствойихъди контракт йибтIну, хусуси метлеб айи дявдин операцияйиъ иштирак шули, Украинайин миллетчйирихъди дявдин ялавнягъ гъяйиган, адашихьан юкIв архаинди хулаъ гъузуз гъабхьундар. Я чан яшариз, я къайдайиъ адру сагъламвализ дилигди, думура военный контрактдикк къул дизигну, жвуван хушниинди хусуси метлеб айи дявдин операцияйиъ иштирак хьуз гъушну. Амма Зияудин цIин ялавнягъна сарди гъушундар. Дугъу контракт йибтIну хусуси метлеб айи дявдин операцияйиз гъягъюз гьязур шулайиб мялум гъабхьибси, СВО-йиз гъюгъбан бадали, дугъан дуст-кас, Мамедгъалайиан вуйи Багьутдин Рамазановдира контракт гъийибтIну. Гъи дурари кьюриддира дявдин гъати женгар гъягъюрайи йишваъ, чпин ватанпересвалин буржи тамам апIура. Багьутдин Рамазановдин 63 йис вушра, улихьнаси дугъу Урусатдин оборонайин министерствойихъди вуйи контракт давам гъапIну.
Му кьюрид дустариз Аллагьди сагъ’вал туври, дурар саламатди чпин хизанарихьна кьяляхъ гъюри. Дюн’я ислягь ибшри.