Гюльнара Мягьямедова
Дагъустандин гьюкмин органари гъулариъ спортдин пишекрариз кюмек тувбан программа гьяракатнаъ тIапIра. Республикайин правительствойи цIийи къарариз асас вуди, гъулариз ва 50 агъзуриинакьан агьалйир айи поселокариз ляхин апIуз гъушу тренерариз саб ражари саб миллион манат тувбанди ву.

Думу къарар физический культурайин ва спортдин цирклиъ лихурайи пишекрар гъулариз жалб апIбан бадали адабгъуб ву. Республикайин правительствойиан туврайи мялуматназ асас, программайи чIатху дару шагьрарин жигьилар спортдин инфраструктурайихъди тямин апIуз мумкинвал тувди.
Саб миллион манат гъадабгъбан бадали, гъулариъ айи спортдин мектебдихъди ясана аьлава образованиейин идарайихъди зегьметнан йикьрар йитIну ккунду. Программайиъ иштирак хьпан шартIар ва къайда лап багарихьди чапдиан удубчIвиди.