Гюльнара Мягьямедова

ЦIийи йисандин машкврар багахь духьна. Гизафси хябяхъдин вахтна гагь милин, гагь тлин пакьар апIру сяняаьтар тIуркIбан сесер шулу. Думу тамширихъ хъайидар бицIидар, мектебдиъ урхурайидар ву.

 

Гьар йисан гьаму вахтна рангнан аквар туври, тIуркIру сяняаьтарин хатIайихьан агьалйир уьрхбан месэла арайиз гъюру. Рангнан аквар деетувалин вахт ккудубчIвнаш, дурар лазим вуйи къайдайиинди гьязур дапIнадарш, лазим вуйи саягъ деетбан къайда тамам дарапIиш, хатIалу дюшюшар арайиз гъюз мумкин ву.
Дагъустан Республикайин МВД-йин мялуматар тувру гъуллугъну пиротехника гьадму жюрейин сурсат масу тувуз ихтияр айи туканариантIан масу гъададагъуб ккун апIура. Учву ишлетмиш апIуз ккайи сурсатарик, пиротехника фици ишлетмиш дапIну ккундуш, сурсат гьясил гъапIу вахт ва думу фукьан вахтнаъ уьбхюз хай шулуш, урус чIалниинди дибикIнайи мялуматар чарасуз кади ккунду.

Пиротехникайин алатар жибариъ ади лицуз гъадагъа дапIна. Дурар кархьруган, машнан гъаншариъ дисуз хай шулдар, микI хъайи вахтна салютар кархьуб, петардйир инсанарин ликарикк ккирчуб, кабхьнайи петардайин багахь хьуб хатIалу ву.
Гьюрматлу ватанагьлийир! Ичв бицIидарин гъайгъушнаъ йихьай, машквран йигъ пашман йигъаз илтIибкIуз мигъитанай.