Гьюрматлу ватанагьлийир!

Учву Урусатдин йигъахъди кIваантIан тебрик апIурача.
Гьюкуматдин гьаму машквру ухьу вари сатIи, вахтарин ва насларин дубшвуз даршлу аьлакьа лишанлу апIура. Урусатдихьна вуйи ккунивали ухьуз веледариз ужуб гележег тикмиш апIуз кьувват тувра.

Ихь гьюкуматдин тарих аку гьядисйирихъди, кьягьялвалин ва игитвалин гьунарарихъди, бажаранлу ва устад инсанарихъди девлетлу ву. Ихь ата-бабйири душмандихъди вуйи женгариъ сабхилди багъри ругар дирбашди уьрхюри гъахьну. Гъушу аьсрарин абйирин гьунарар гьамусдин деврин эскрари миллетчйирихъди вуйи женгариъ – хусуси метлеб айи дявдин операцияйиъ давам апIура. Урусатдин хайир даккни душмнари фукьан аьксивал улупишра, ухьухьна аьсрариан дуфнайи ужудар аьдатар – рюгьнан марццивал, кIваъ айи мурадар кIулиз адагъувал, баркаллуди зегьмет зигувал – гележегдиъра давам апIидихьа.

Гьюрматлу ватанагьлийир! Урусатдин Яракьлу кьувватарин жергйириъди хусуси метлеб айи дявдин операция гъабхурайи йишваъ, гъулан мяишатдин цирклиъ, заводар-фабрикйириъ ва жара карханйириъ зегьмет зигури, уьлке абад апIурайи вари агьалйириз мюгькам сагъвал, хушбахтлу уьмур, чпин ляхниъ заан хъуркьувалар ккун апIурача. Гъит ихь районар, ихь республика ва ихь уьлке мублагъ ибшри, хъа ихь веледар кьувватлу уьлкейиъ бахтлу уьмрин эйсйир ишри.

 

Газатдин редакцияйин коллектив