Улихьна йигъари Мягьячгъалайиъ ЛФК-йин лигайин кчIихбариан кIули гъубшу чемпионатдиъ Тамерлан Мутlалибовди 1-пи йишв (йишван пояс) гъадабгъну.
Гъябгъюрайи йисан Тамерланди Москвайиъ ММА-йин кчIихбариан кIули гъубшу Урусатдин чемпионатдиъра 1-пи йишв гъазанмиш гъапlнийи.
Хив райондин Хив гъулан М. Шамхаловдин ччвурнахъ хъайи кьялан уьмуми образованиейин мектебдин 9-пи классдиъ урхурайи Тамерлан, магьан 652-пи нумрайиинди ММА-йин жюрйирин кчIихбариан аьгъювалар гъадагъну, думу спортдин мастериз кандидат гъахьну.
Думу ММА-йин пишекар кчIихбариан заан дережайин турнирариъ иштирак шула. Гьамусди Урусатдиъ гъябгъру ММА-йин кчIихбарин талитнахьна гьязур шула.
Урхбаъра, спортдиъра тафавутлу вуйи Тамерландиз гьадушваъра хъуркьувалар ккун апIурхьа.
Тамерлан, яв хъуркьувалариз дамагъниинди ккилигурача, дуст.
