Улихьна йигъари Табасаран райондин гизаф гъуллугъар гьуркIру жигьиларин центриъ «Сифте кIулар» («Истоки») конкурсдин гъалибчйириз пешкешар тувну.

 

Пешкешар тувбан серенжемдиъ райондин ТОКС-дин начальник Аьбдусалам Асланов, райондин библиотекйирин сатIи вуйи гъуруллушдин директор Рафик Аьлиев ва жигьиларин центрин директор Рамис Рамазановди иштирак гъахьну.

Р.Рамазановдин мялуматариинди, конкурсдиъ 1-пи йишв Кюргъярин кьялан мектебдин ученица Гюльнара ТIагьировайи, 2-пи йишв Акъ’арин мектебдин ученик Имамутдин Амирхановди ва 3-пи йишв Хючнаарин 1-пи нумрайин ученица Сагдагюль Нежефовайи гъадабгъну.

Къайд апIуб лазим вуки, му конкурс кIули гъабхбан асас метлеб – мектебариъ урхурайидари чпин Ватандин, райондин, гъулан тарих, аьдатар аьгъю апIувал, ватанпересвалин гьиссар тербияламиш апIувал ву.