Коронавирусдин инфекцияйин тIягъвнихъди аьлакьалу вуди хайлин вахтна хъябкьну гъабхьи Дербент шагьрин «Кафари» базар 8-пи июлиъ абццну.
Муниципалитетдин администрацияйин пресс-гъуллугънаан мялум гъапIганси, базар абццайиз сад йигъ улихьна Дербент шагьрин администрацияйиъ «Кафари» базарин дилаварчйирихъди гюрюш кIули гъубшну. Серенжемдиъ дилаварчйириз коронавирусдихьан хатIасузвал уьбхру табшуругъар тувну.
Дагъустан Республикайиъ айи Роспотребнадзорин Управлениейин кIулиъ айи Николай Павловдихъди сатIиди адабгъу йикьрариинди 7-пи июлиъ шагьрин мэрин заместитель, Дербент шагьриъ айи Роспотребнадзорин аьтрафарин отделин начальник, Дербент шагьриъ айи Урусатдин ОМВД-йин ва жара вакиларикан ибарат дубхьнайи идарйирин арайиъ вуйи комиссияйи базарин гъуллугъчйири ва алверчйири Роспотребнадзорин коронавирус тарабгъбаз аькси тIалабар уьрхюраш, гюзчивалинна ахтармиш’валин ляхнар кIули гъухну.
Гъуху ахтармишари Дербент шагьрин «Кафари» базар абццуз гьязурди айивал субут гъапIну. Вари базар вуйибси дезинфекция апIбан ляхнар кIули гъухну.
