Жигьиларин ляхнариз лигру Федералин агентствойи тешкил дапIну, 2016-пи йисхъан мина «Урусатдин Жигьилар» кIуру мялуматарин автоматламиш дапIнайи гъурулушди федералин тамам апIру гьюкмин органарихъди, РФ-дин субъектарин тамам апIру гьюкмин органарихъди, жямяаьтлугъ тешкилатарихъди ва жара идарйирихъди жигьиларин аьлакь-йир тешкил апIуз мумкинвал туврайи онлайн къайдайиинди ляхин апIура.
Му гъурулушдин метлеб – форумдин кампанйирин иштиракчйир сабси гьисабназ гъадагъувал; жигьиларин пишекарвалин тешкилатар арайиз хувал; РФ-дин аьтрафариин жигьиларин политикайин гьяракатлувал аьгъю апIувал; саб дакьатдин тясирлувалиинди жямяаьтлугъ тешкилатариз кюмек тувувал ву.
«Урусатдин жигьилар» АИС яшайишдин жюрбежюр ляхнариъ иштирак шулайи жигьилариз чпин удукьувалар улупуз ужуб майдан ву. Гъурулушдин иштиракчйирихьан чпи жямаьтлугъ серенжемариъ, акцйириъ ва форумариъ иштирак хьувалин гьякьнаан мялуматар тувру, жигьиларин пишекарвалин тешкилатдин айитI ишлетмиш апIуз шлу хусуси портфолио арайиз хуз, улупуз шулу.
Гъурулушдихьан жюрбежюр серенжмариъ иштирак шулайи жигьиларин тешкилатарин ва коллективарин гьяракат аьгъю апIуз, жигьиларихъди гъабхурайи ляхниз гьюкуматдин органари ва жямяаьтлугъ тешкилатари харж апIурайи дакьатарин мянфяаьтлувалиин гюзчивал гъабхузра шулу.
Гьаму гъурулушди жигьиларин форумариъ ва жигьиларин проектарин конкурсариъ гьисабназ гъадагъуз гъитувалин ва аьрза тувувалин ляхин рягьят гъапIну.
«Урусатдин жигьилар» АИС – му жигьилариз чпин яшайишдин девлет сатIи апIуз мумкинвал хру, гележегдиъ ляхниъ учIвруган, проектар уьмриз кечирмиш апIруган кюмек тувру йишв ву.
Гъурулушди регионарин, районарин, шагьрарин серенжемариъ иштирак хьуз мумкинвал яратмиш апIура.
Серенжемариъ иштирак хьувализ баллар тувра, гьарсабдиз чан мянара а: муниципалин серенжемариъ иштирак хьувализ – 10-дилан 20 баллиинакьан, региондиндариъ – 50 баллиинакьан, округдиндариъ – 100 баллиинакьан тувру.
Аьлава вуди серенжемдин иштиракчийиз кьимат дивуз ясана дугъаз рякъ хъябкьюзра мумкинвал а. Региондин ва федералин серенжемарин натижйириз лигну, дурарин иштиракчийиз 5 балл айи уьлчмейиинди кьимат тувуз шулу:
– регьбер, спикер, пишекар.
Му жюрейиинди кьимат дивували региондиъ варитIан бажаранлу жигьилар ашкар апIуз, гьюкуматдин жигьиларин политикайин асас цирклариъ пишекарвалин тешкилатар арайиз хуз мумкинвал тувди.
«Урусатдин жигьилар» АИС-диъ гьисабнаъ учIвай ва Урусатдин вари аьтрафариин гъягъру серенжемарин ляхнарикан аьгъяди гъузай!
Му гъурулушдихъди артухъди таниш хьуз ва дидин гьякьнаан тамамди мялуматар гъадагъуз Интернетдиъ https://myrosmol.ru адресдиъ шулу.
