Мартдин 30-пи йигъан Табасаран райондин имам Ансар Рамазанов ТIюрягъ гъулан имамдин теклифниинди му гъулаз гъафну.

 

Душваъ Ансар Рамазанов ТIюрягъ гъулан жямяаьтдихъди мистаъ гюрюшмиш гъахьну. Хъасин, уч духьнайидарин арайиан сар касдин ният дибисну апIурайи мевлюднаъ иштирак гъахьну.ТIюрягъ гъулан имам Альберт Гьяжикъаибовди ва гъулан яшлуйирин Советдин председатель Ражаб Нурмягьямедовди вари жямяаьтдин терефнаан дуфнайи хялариз чухсагъул мялум гъап1ну ва кми-кмиди гьаму жюрейин гюрюшар гъахуб т1алаб гъап1ну, фицики дурарикан жямяаьтдиз аьхю мянфяаьт а.

Райондин имамди, чан терефнаан, фуну вахтна вушра кюмек апIуз ва ужувлан ляхнариъ иштирак хьуз гьязур вуйиваликан гъапну.