Республикайин региондин идара апIбан центрин (ЦУР) вакилари вакцинацияйин гьякьнаан дагъустанлуйирин 360-рилан зиина аьрзйириз гъилигну.

 

Тялукь центрари вари уьлкейиъ агьалйириз вакцинацияйин месэлайиан гъулайвалар яратмиш апIура. «Россия 24» федералин каналиан коронавирусдин тIягъюн гъизгъинди тарабгънайи вахтна думу центрари гъабхури гъахьи ляхникан сюжет улупнийи.

Центрарин гъуллугъч-йири вакцинация гъабхбан вари пунктарин гьякьнаан мялуматар уч дапIну, рубар йивбан месэлара рягьятди гьял апIуз агьалйириз кюмек гъапIну. Гьамус агьалйирихьан Яндексдиъ ва Google-картйириъ думу пунктарин гьякьнаан лазим вуйи вари мялуматар гъадагъуз шулу.

Мидланра савайи, регионарин идара апIбан центрари агьалйирин аьрзйир ахтармиш апIбан ляхинра тешкил дапIна. Гьаци, Дагъустандин ЦУР-ди вакцинацияйин гьякьнаан агьалйирин 367 аьрзайиз гъилигну.

Къайд апIуб лазим вуки, регионарин идара апIбан центрарин кураторари вакцинация апIбан кучIлин сертифакатар масу туврайидарихъдира женг гъабхуру.

Июлин вазлилан башламиш дапIну, уьлкейин правительствойин табшуругъниинди «Диалог» кIуру НКО-йи вакцинация апIбан кучIлин сертификатар масу туврайидар ашкар апIура. Тахсиркрари дициб сертификатдихъан 2500-дилан 7000 агъзурихьна манат пул бисура. Хъа вахт улихьна вуйи сертификатдихъан 20000 агъзурихьна тIалаб апIура.

Му тешкилатдин генеральный директор Алексей Гореславскийди къайд гъапIганси, анжагъ саб аьхиримжи вазли Урусатдин Федерацияйиъ кучIлин сертификатар масу туврайи 300 тешкилат ашкар гъапIну. Дугъан гафариинди, кучIлин сертификатар «Госуслуги» сайтдиъ атIагдар.