Сергей Меликовди Тарки-Тауйиъ 14 гектар жилиин ерлешмиш дубхьнайи РД-йин Главайин резиденцияйин дараматар зигьимлу, бажаранвал кайи бицIидариз кюмек апIру «Альтаир» кIуру центриз тувбан гьякьнаан къарар адабгъну.
Гьамусяаьт РД-йин Правительствойи аьгъювалар тувру идарайин корпусдин ва 240 касдиз йишв айи общежитиейин проект гьязур апIура. Гъюру йисан сентябрин вазлиъ дарамат ишлетмиш’вализ тувди.
Баяр-шубарихьан илимдин, искусствойин ва спортдин цирклариан аьгъювалар пулсузди гъадагъуз хьибди.
Мектебариъ урхурайидарихьан илимдин цирклин дахилнаъди центриъ математикайиан, физикайиан, экологияйиан, биологияйиан, робототехникайиан ва гьацдар жара илмариан аьгъювалар гъадагъуз, чпиз айи мумкинвалар ишлетмиш апIуз хьибди.
КIваина хурача, гъийин йигъаз образованиейин «Си-риус» прграммайин дахилнаъди республикайиъ тялукь дарсар Дагъустандин вузарин бинайиинди гъахурайи, техникайихъди тямин дапIнайи сабкьан центр адайи.
