Урусатди, киевдин гьюкмин къайдайиз аькси Донбассдин халкьдин республикйирин ватанагьлийир ва гьацира Украинайиъ яшамиш шулайи вари урус халкь уьрхбан бадали, дявдин гьяракатар ккергъбан метлеб – Степан Бандерайин терефкраринна олигархарин Киевди аьхиримжи миржид йисан ДНР ва ЛНР республикйирихъди гъабхурайи дяви дебккувал ву. Донбассди миржид йисан дурариз игитвалиинди аьксивал улупури гъахьнушра, Урусатди му месэла ислягьвалиинди гьял апIбахьна дих апIури гъахьну. Амма Киевди Ригъ алабхъру терефнан вакиларин кюмекниинди Донбассдиъ дявдин гьяракатар гъахувал дебккри гъахьундар, аьксина вуди, ислягь инсанар йивну йихури, натижайиъ варибдин тахсиркар Москва апIури гъахьну. Мидланра савайи, НАТО-йин кьушмари, сатIи духьну, Урусатдин сяргьятарихъ гургутум чпин яракь артухътIан-артухъ уч апIури гъахьну.
Аьхирки, Кремлин сабурлувал гъутIубкIну. Му месэла анжагъ кьувватнииндитIан гьял апIуз мумкинвал гъубзундар.
Гъи ихь кьудратлу уьлкейин кIул’ина гъагъи йигъар дуфна. Украинайиъ, жвуван багъри ватандин сабнуб циркил вуди гъабхьи уьлкейиъ, дявдин гьяракатар гъахувал, гьелбетда, вари терефарихъан гъагъи ляхин ву. Гьаддиз ихь кьушмари, ислягь инсанарин хатIасузвал уьбхюри, анжагъ нацизмдин терефкрарин дест-йир айи ва яракь ерлешмиш дапIнайи йишваризтIан заан технологйирин яракьдиан йивбар апIурадар.
Белоруссияйин Президент Александр Лукашенкойи улихьнаси чав гъубху уьлкейин хатIасузвал уьбхбан Советдин яркьу заседаниейиъ къайд гъапIганси, Урусатди Украинайиъ «хирургдиси», ислягь агьалйириз фицибкIа зарар хьуз гъидритди, дявдин хусуси метлеб айи операция гъабхура.
Урусатдин хусуси метлеб айи операция гъабхувалин мициб къайдайи вари дюн’я аьжайиб хьуз гъитра. Диди, Украинайин гьюкмарси, Вашингтондиъ айи дурарин зиин идара апIурайидарра, Киевдин ригъ алабхъру терефнан юлдшарра мюгьтал дапIна. Му, улихь ккимиди вари терефар фикриз гъадагъну, заан пишекарвалин дестйири, анжагъ чарасуз лазим вуйи йишваризди йивбар апIури, кIули гъабхурайи дявдин гьяракат ву.
Улихьган Израилин хусуси метлеб айи гъуллугъарин кIулиъ ади гъахьи Яков Кедмийи къайд гъапIганси, Урусатдин дявдин гъуллугъчйирин гьарсаб гьяракатну неинки Киев, хъа гьацира вари дюн’я аьжайиб апIура. Урусатдин нубатнан гьяракат фициб шулуш, дурарихьан улихь ккимиди пуз шуладар. Мициб жюрейиинди, ислягь инсанарин хатIасузвализ асас фикир туври дявдин гьяракат гъабхувал гьамусдиз саризра гъябкъюб дар.
Дугъу аьлава гъапIганси, операция паяриз жара дапIна, ва магьа, вари лишнариинди, аьхиримжи пайнан вахт дуфна. Гъи дарш, закур дидин мялум вуйи аьхир хьибди – ВСУ яракьсуз дапIну, миллетчивалин батальонар ва дявдин вари тахсиркрар жавабдарвалихъна хиди.
Гьаддихъди сабси, РФ-дин оборонайин министерствойи къайд гъапIганси, хусуси метлеб айи операцияйихъди аьлакьалу вуди, гъи вари дюн’яйиъ Урусатдиз аьксиди мялуматарин дявира кIули гъабхура. Дидин тешкилатчйирра фужар вуш мялум дапIна – Украинайин Яракьлу Кьувватарин мялуматаринна психологияйин гьяракатарин 72-пи кIулин центр ва СБУ-йин кибероперацйирин подразделенйир. Фила-вуш, наан-вуш гъахьи гьядисйирин шик-лар ва видеойин роликар ишлетмиш апIури, Украинайин гьюкмари къайдасузди варидариз яракь пай апIбан кьяляхъ, уьлкейиъ арайиз дуфнайи читин гьялнан натижйир ихь кьушмарин гьяракатарин натижйирси улупури, иллагьки ригъ алабхъру терефнан махлукьатлу хабрарин дакьатари му кучIлин мялуматар яркьуди тарагъура. Саризра жиниб дар, гъи компьютерик кайиб цIибдикьан аьгъю касдихьан дидин мумкинвалар ккабхъси ишлетмиш апIуз шулу.
– 2020-пи йисандин арайиъ 35 агъзур кучIлин хабрар ашкар гъапIнийча, хъа цци кьюб вазлин арайиъ саб миллиона 400 агъзурихьна дицдар мялуматар ашкар дапIна, – гъапну РФ-дин Жямяаьтлугъ палатайин мялуматарин жямяаьтлугъдин, СМИ-йин дакьатарин артмиш’вализ лигру комиссияйин председателин заместитель Александр Малькевичди.
Мициб гьял рябкъюри, Александр Лукашенкойихьанра ккебехъну гъузуз гъабхьундар: «Агъзрариинди зийнар духьнайи агьалйир Гомелиз духна кIура. КучIлар ву! Хусуси метлеб айи операция гъябгъюрайи вари вахтна учу анжагъ 160-170 зийнар духьнайидар сагъ гъапIунча. Урусатдин Яракьлу Кьувватарин гизаф эскрар гъийихну кIуру хабрар кучIлиндар ву! Путинди ва Шойгуйи дявдин гьяракатар лап ихтиятди, ислягь инсанариз зарар даршлуси гъахбан гьякьнаан къарар адабгънайиваликан варидиз мялум ву», – гъапну дугъу.
КучIлин хабрар тарагъурайидарин метлеб фу вуш, мялум ву. Дурарин асас метлеб – Урусатдин жямяаьтлугъдин арайиъ наразивал ипувал ва инсаниятдин Урусатдихъди вуйи аьлакьйир барбатI апIувал ву.
Мидланра савайи, Амери-кайин СатIи вуйи Штатари ва дурарин тясирнакк ккайи европайин уьлкйири сабхилди Урусатдиз илзигуз, ихь экономика зяиф апIуз диш дапIнайи ижми уьлчмйир кьабул дапIна.
Гьаму аьгьвалатнаъ ихь уьлкейин сабвал уьхбан бадали, тарихнан му гъагъи маш ухди ккадабкну, гележегдиъ хъана кьувватлу хьпан бадали, гьарсар касди чан ватанпересвал ачухъ апIру вахт дуфна.
