Тарихнан жюрбежюр деврариъ – кюгьне заманйириъ, Ватандин Аьхю дявдин гъагъи йисари, гьамусдин деврин гъалмагълариъ Ватан бадали женгназ гъудужвури гъахьи ихь уьлкейин халкьари гьаммишан дирбаш’вал, игитвал улупури гъахьну. Гьамусра ихь Урусатдин кьушмарин улихь гъагъи месэла дийибгъна.
Февралин 24-пи йигъан Урусатдин Федерацияйин кьушмари, Украинайиъ Д-нецкдин ва Луганскдин халкьдин республикйирин ихтиярар уьрхюри, хусуси метлеб айи дявдин операция ккебгъну. Операцияйин садпи йигъарилан башламиш дапIну, урусатдин эскрарихъди ва офицераририхъди сабси Дагъустандин баярира кьягьялвал, дирбаш’вал улупура. Хусуси метлеб айи гьаму дявдин операцияйин сарпи игитра Дагъустандин вакил Нурмягьямед Гьяжи-мягьямедов гъахьну. Мил-летар ва хъаърайи динар жарадар вушра, ихь Ватан саб вуйихь. Думу сатIиди убхювал ихь гирами буржи ву.
Украинайиъ гъябгъюрайи операцияйиъ табасаран миллетдинра хайлин жигьилар иштирак шула. Дурариз ухьу игитарси сагъ-саламатди чпин хизанарихьна кьяляхъ гъювал ккун апIурахьа. Хъа, гья-йифки, мютIюгъ хьуз ккунди адру душмандин яракьдиан гизаф ихь баяр гъийихну. Учу, газатдин машариъ дурарикан ктибтбан бадали, «Игитар кIваълан гьархидархьа» кIуру цIийи рубрика ачмиш апIурача.
Кьягьялвалин орденар эскрарин хизанарихьна гъурукьну
8-пи апрелиъ Табасаран райондин глава Мягьямед Къурбанов гьамусяаьт Украи-найиъ кIули гъябгъюрайи хусуси метлебнан дявдин операцияйиъ гъийиху эскрарин абйир-бабарихъди ва хизанарихъди гюрюшмиш гъахьну.
Райондин кIулиъ айири гъийиху эскрарин абйир-бабариз теклифар каъну ва дурарикан сабур апIувал ккун гъапIну. «Ав, хусуси метлеб айи дявдин операцияйи ихь варитIан ужударстар баяр гъахура, гьадму гьисабнаан Табасаран райондианра. Дурариз аьхю кьимат тувуб алабхъну. Хайлин ихь ватанагьлийир гьамусяаьтра Украинайиъ гъябгъюрайи хусуси метлеб айи дявдин операцияйиъ иштирак шула, ва дурари чпин буржи заан дережайиинди тамам апIура. Дюн’яйиъ ислягьвал хьпан бадали, чпин жанар туву гьамцдар игитар тербияламиш апIбаз учвуз чухсагъул. Ич терефнаан учхьан шлу кюмек тувуз гьязур вуча, дидланра савайи, ихь игитар бабкан гъахьи гъуларин кючйириин дурарин ччвурар иливуз планарик кайич», – гъапнийи Мягьямед Къурбановди, абйир-бабарихьинди илтIикIну.
Хъасин райондин кIулиъ айири игит баярин хизанарин вакиларихьна дурарин Кьягьялвалин оденар тувнийи.
Урусатдин Президент В.В. Путиндин 2022-пи йисан 17-пи мартдиъ 124-пи нумрайиккди адабгъу Указдиинди рядовой Аьрабов Аьраб Аьбдуллагьович, хъа 123-пи нумрайин Указдиинди прапорщик-связист Самурханов Наврузбег Самурханович ва сержант – Сулейманов Мевлан Низамиевич Кьягьялвалин орденарихъди лишанлу гъапIну.
Табасаран райондин военный комиссар Садикь Мурадялиевдира, игит баяр тербияламиш гъапIу абйир-бабариз башсагълугъвал мялум дапIну, райондин военкомат дурариз кюмек апIуз гьарган гьязур вуйиваликан, уьмриъ читин месэлйир гъахьиш, дурарихьан чпин идарайиз илтIикIуз шлуваликан гъапнийи. Гъийиху эскрарин багахьлуйириз жара апIурайи дакьатар бицIи вахтнан арайиъ дурарихьна рукьиди кIури, дугъу гафра тувнийи.
Хючна советдин глава Аьбдуселим Гираевдира игитарин абйир-бабариз чан терефнаан кюмек тувуз гьар вахтна гьязур вуйивал тасдикь гъапIну.
Аьхириъ ихь игит эскрарикан жикъи мялуматар тувдихьа.
Аьрабов Аьраб Аьбдуллагьович 2000-пи йисан 30-пи январиъ Табасаран райондин Акъа гъулаъ бабкан гъахьну. Механик-водитель, рядовой ву. Украинайиз гъягъя-йиз, дугъу Ингушетияйиъ Троицкий кIуру посёлокдиъ айи частнаъ ислягьвал уьбхюри, чан буржи тамам апIури гъахьну.
Самурханов Наврузбег Самурханович 1982-пи йисан 15-пи декабриъ Табасаран райондин Хючна гъулаъ Цалак мягьялиъ бабкан гъахьну. Аьлакьайин батальондин радиолинейный
станцияйин начальник, прапорщик ву; хусуси метлеб айи операция ккебгъайиз, дугъу Буйнакск шагьриъ айи военный частнаъ чан буржи тамам апIури гъахьну.
Сулейманов Мевлан Низамиевич 1987-пи йисан 4-пи июлиъ Табасаран райондин Хючна гъулаъ бабкан гъахьну. Радиацияйихьан ва химия-йихьан уьрхбан ротайин цIа деебтру отделениейин командир, сержант ву. Украинайиъ хусуси метлебнан операция-йиъ иштирак хьайиз, дугъу Владикавказдиъ айи частнаъ гъуллугъ апIури гъахьну.
