Гьаму йисан 1-пи сентябриъ республикайиъ 1606 урхурайидариз дусру йишвар айи цIийи 4 мектеб ва 2560 бицIириз вуйи бицIидарин15 багъ ачмиш апIиди. Му социальный идарйир «Образование» ва «Демография» милли про- ектарин дахилнаъди тикмиш гъапIдар ву.
16-пи августдиъ Дагъустан Республикайин Правительствойин председатель Аьбдулмуслим Аьбдулмуслимовдин регьберваликкди кIулиъ гъубшу совещаниейиъ туву мялуматариинди, 1-пи сентябриъ Мягьячгъала ва Каспийск шагьрариъ шу-шубуб бицIидарин багъар ачмиш апIувал пландиъ а. Гьацира, гьадму йигъан Хасавюрт райондин Эндирей гъулаъ 120 бицIириз йишв айи, Казбек райондин Буртунай ва Табасаран райондин СиртIич гъулариъ 60 йишв (шиклиъ), Къумторкъала райондин Учкент гъулаъ 100 йишв, Гъяйтагъ райондин Баршамай гъулаъ 120 йишв, Къизилюрт райондин Нечаевка гъулаъ 200 йишв айи бицIидарин багъар ва Дагъустандин Огни шагьриъ 200 йишв айи ясли-багъ ачмиш апIиди.
Мидланра гъайри, Къяякент райондин Сагаси-Дейбук ва ЦIийи Викри гъулариъра гьарубдиъ 120 бицIир кьабул апIуз йишв айи ва Къарабудагъкент райондин Къарабудагъкент ва Доргели гъулариъ 250 ва 200 йишвар айи бицIидарин багъар ачмиш апIиди.
Совещаниейиъ Аьбдулмуслим Аьбдулмуслимов гьаму йисан тазади арццрайи мектебарин гьякьнаанра гъулхнийи. Дугъу къайд гъапIганси, цци Хасавюрт райондин Эндирей ва Новокостек гъулариъ 502 ва 400, Ахьцигь райондин Луткун гъулаъ 400 ва Мягьярамкент райондин Оружба гъулаъ 304 дусру йишвар айи цIийи мектебар ляхник кирчди. Улупнайи образованиейин вари идарйириъ цIиб улихьси гъузнайи санитарияйин ва жара камиваларра арайиан адагънайиваликан мялум гъапIнийи.
СиртIич гъулаъ 1-пи сентябриъ абццуз планламиш дапIнайи бицIидарин багъдин гьякьнаан Табасаран райондин образованиейин управлениейин кIулиъ айи Аьбдусалам Гьясановди «Табасарандин нурар» газатдиз туву мялуматариинди, мушваъ 25 кас лихру йишвар ва бицIидарин 3 десте – 2 лап бицIи яшарин ва 1 цIиб аьхю яшарин бицIидарин – ачмиш апIура.
«Гьамусяьт думу багъдиъ тикилишчивалин ляхнар саки вари аьхирихъна дуфну, тамам апIури имбудар марццишнанна кабалгбан ляхнар ву. Багъдин айитIси, думу ляхнар гьяятдиъра гъягъюри ими. БицIидарин багъ райондин хиликкна сарун гъадабгъна. Лазим вуйи вари документарра гьязурди а. Гъубзнайиб, гюзчивал гъабхру органарихьан йикьрарнан документар ву. Гьадрарин гьякьнаанра гьямусяаьт ляхин гъабхура. Алахьу читин месэлйирикан улхуруш, варитIан асасуб штун месэла вуйи. Мина гъюрайи шид гъван кайиб вуйивализ лигну, гьаммишан лаборатор-йириъ анализар гъахура. Аьхиримжи анализар ахтармиш апIбан кьяляхъ, аьгьвалат дигиш дархьиш, гьамусяаьт проектдин дахилнаъди СиртIич гъулаз шид дизигну ккудубкIайиз, бицIидарин багъдиз жара йишвлан марцци шид хпан бадали, Дербент шагьрин водоканалихъди йикьрар йитIна
