Саратов шагьрин Кировский судди Мягьячгъала шагьрин администрацияйин главади гъилиху Сяид Амировди физический касарин хусусиятназ туву гьюкуматдин мал-мутму кьяляхъ тувбан къарар адабгъну. Дидин гьякьнаан «Бизнес-вектор» хабрар тувру агентствойи мялумат тувра. Гьадму къарарниинди Урусатдин генеральный прокурорин заместитель Игорь Ткачевдин улихьнаси туву аьрза гьял гъапIну.

 

Суддин къарар шид туврайи, канализацияйин ва манишин тувру коммуникацйирин, варжар миллионарин пулин кьимат айи жилин участокарин ва дараматарин гьякьнаан ву. 2007-пи йисан Мягьячгъалайин мэр Сяид Амировди къанунсузди гьюкуматдин хусусият инсанарин хилариз тувуз кюмек гъапIну.

«Новое дело» газатдиъ туврайи хабрариинди, суддиъ дело гьял апIруган, 36 кас жавабдарарди улупнайи, гьадрарикан 10 юридический касар вуйи. Дурарин арайиъ «Махачкалаводоканал», «Коммун-сервис», «Махачкалатеплоэнерго», «Хизандин манишин» ЖСК ва хъана жара тешкилатар а.