Улихьна йигъари Табасаран райондин Дарвагъ гъулан глава Айдин Къурбанов бегьем дару мобилизацияйин дахилнаъди дих дапIнайи ва Чечен Республикайиъ резервди гьязур апIру сборный пунктдиъ дявдин пишейиан аьгъювалар гъадагъурайи гъуландариина улукьуз гъушну.

 

 

«Бегьем дару мобилизацияйин дахилнаъди дих дапIнайи гъуландариз чпикан неинки хизанари ва багахьлуйири, хъа гьацира вари жямяаьтди, вари районди фикир апIурайивалин гьякьнаан аьгъю дубхьну ккундийзуз. Гьамусяаьт гъябгъюрайи хусуси метлеб айи дявдин операция – ихь варидин уртахъ ляхин ву. Гъуландар гъалибвал хьади шлубкьан ухди кьяляхъ хулариз хътакбаз ккилигурача», – гъапну Айдин Къурбановди.

Дугъу гъулан баярихъди гафар-чIалар гъапIну, дурар айи шартIарихъди таниш гъахьну ва чан гьисабнаан жигьилариз лазим вуйи алабхьру палатра масу гъадабгъну.

Мидиз улихьна Айдин Къурбановди, чан гъардаш АбутIалиб Къурбановдихъди сатIиди мобилизацияйикк ккахъу гъуландарин хизанарихьна душну, дурариз тадарукарин кюмекра гъапIну. Дарвагъ гъулан глава гележегдиъра мобилизация дапIнайидарин хизанариз тялукь жюрейин кюмек кми-кмиди тувбанди ву. Думу ляхнихьна дугъу меценатарра жалб апIиди.

Гъуландари чпин терефнаан Айдин Къурбановдиз аьхю чухсагъул мялум апIура.