Аьгъюваларин булагъар уьрхюрайи кас

 

 

2022-пи йисан 14-пи сентябриъ Дагъустандин Глава Сергей Меликовди Дагъустан Республикайин халкьарин сабвалин йигъаз тялукь вуйи серенжемдиъ, культурайин цирклиъ заан хъуркьувалар гъазанмиш апIбаз лигну, Табасаран райондин ЦБС-дин биб-лиографияйин отделин заведующий Багьарат Ильясовайиз «Дагъустан Республикайин культурайин лайикьлу гъуллугъчи» кIуру ччвур тувну.

Культурайин цирклиъ 1984-пи йисхъан мина ляхин апIури, библиотекйирин ляхин лазим вуйи къайдайиз хпан бадали, му касди чан аьхю пай кивну. Чав апIурайи ляхниъ заан хъуркьувалар гъазанмиш апIбаз, гьацира республикайин ва райондин конкурсариъ иштирак хьпаз лигну, думу хайлин грамотйириинди ва пешкешариинди лишанлу дапIна.