Дагъустан Республикайин Правительствойин Председатель А.Здуновдин 2019-пи йисан майин 30-пи йигъан адабгъу 27-пи нумрайин къарарназ асас вуди, 2019-пи йисандин 5-пи, 6-пи ва 7-пи июнь машкврин йигъарди мялум гъапIну.

Дагъустан Республика-йин динагьлийириз гирами Рамазан ваз ккудубкIбахъди ва Ушварин машквар къайд апIбахъди аьлакьалу вуди шубуд йигъ дилихру йигъарди мялум апIувал – республикайин Глава В. Васильевдин жягьтлувал ву, хабар тувну ич редакцияйиз РД-йин Главайин ва Правительствойин Администрацияйин пресс-гъуллугънаан.

Уьмуми гьисабниинди, республикайин агьалйирихьан 5 йигъандин арайиъ Ушварин машкврихьна лайикьлуди гьязур хьуз ва думу къайд апIуз хьибди.
Цци тахминан вуди Ушварин машквар 5-пи июндиъ улубкьиди.