Дагъустан Республикайин Минздравдин пресс-гъуллугънаан учуз мялум гъапIганси, Дагъустандиъ гриппдиз аькси вуйи прививкйирин кампания гьяракатнаъ ипна.
Республикайиъ иммунизацияйин программайин дахилнаъди миллионтIан артухъ агьалйириз гриппдиз аькси прививкайин рубар йивувал планламиш дапIна. Гьамусяаьт региондиз 620 агъзур вакцина духна, дурарикан 320 агъзур руб бицIидариз йиврудар ву.
РД-йин Минздравдиан къайд гъапIганси, иммунизация яшамиш шулайи йишван багахь хьайи поликлиникайиъ гъабхуз шулу. Жвувахьди паспорт ва медицинайин полис хьади ккунду. Пулсузди вуйи вакцина 6 вазтIан артухъ яш дубхьнайи бицIидариз, мектебариъ урхурайидариз, бицIидар хьуз гъагъдиъ айи дишагьлийириз, пенсионерариз, армияйиз гъахуз гьязур шулайи жигьилариз, образованиейин, сагъламвал уьбхбан, ЖКХ-йин цирклариъ лихурайи гъуллугъчйириз йивиди.
Къайд апIуз ккундучузки, иммунизацияйин кампания гъябгъюрайи йисан ноябрь вазлизкьан давам хьибди.
