Гюльнара Мягьямедова

Дагъустан Республикайин Глава Сергей Меликовди Табасаран райондин Жямяаьтлугъ палатайин председатель Аьлимирза Гьясановдиз ва муниципалитетдин главайин багахь хьайи Агьли касарин советдин председатель Кумалат Кумалатовдиз зегьметнаъ ва жямяаьтлугъ ляхнариъ лишанлу хьувализ дилигну, «Баркаллу зегьметназ» медалар тувбан указдиин къул гъизигну.

Райондин агьалйир лайикьлу наградйирихъди муниципалитетдин глава Мягьямед Къурбановди мубарак гъапIну. «Учвуз ихь республика ва ихь халкь бадали зигурайи зегьметнаъ хъана заан хъуркьувалар ккун апIураза», – гъапну дугъу.

Гьюрматлу Аьлимирза Гьяжиевич ва Кумалат Аьлибегович! «Табасарандин нурар» газатдин редакцияйин коллективди учву медалар тувбахъди тебрик апIури, учвуз жандин мюгькам сагъвал ва райондин жямяаьтлугъ месэлйир гьял апIбаъ хъуркьувалар ккун апIура.