Гьаму йигъари Мягьячгъала шагьриъ Р. Гьямзатовдин ччвурнахъ хъайи Милли библиотекайиъ республикайин Урусатдин халкьарин аьдати культурайин центрари гъабхурайи ляхниз кьимат тувбан гьяракатар албагурайи Советдин заседание ва «Культурайин гъядар. Аьдатар ва девир» конференция кIули гъубшну.

 

РД-йин культурайин министр Зарема Бутаевайи, заседание ачмиш апIури, театрин Йисан республикайин халкьдин театрари 100-тIан артухъ муниципалин, региондин ва вари халкьарин мяна айи художествойин жюрбежюр проектар ва яратмиш апIбан акцйир гъурхувал къайд гъапIнийи. «Улубкьурайи йис, РФ-дин Президент Владимир Путиндин къарарниинди, кIваин уьрхбан ва аднан Йисси мялум дапIна. Думу йисан ихь улихь швнуб-саб важиблу юбилеярин серенжемарихьна гьязур хьувал дийибгъна. Хъа 2022-пи йис халкьдин яратмишарин Йисси къайд апIиди. Дидихьна вуйи гьязурлугъ’валин ляхнарихъ гьамусмиди сатIиди хъюгъну ккунду», – гъапну министри.

 

Совещаниейин аьхириъ Зарема Бутаевайи республикайин культура, халкьдин яратмишарин циркил артмиш апIбак, аргъаж шулайи наслиз ватанпервервалин тербия тувбак лайикьлу пай киврайи ва намуслу зегьмет зигурайи культурайин цирклин гъуллугъчйир министерствойин гьюрматнан грамотйир тувбиинди лишанлу гъапIну.

 

Дурарин арайиъ ихь ватанагьлийир – Дагъ.Огни шагьрин 1-пи нумрайин ДШИ-йин ИЗО-йин отделениейин мялим, машгьур художник Мягьямед Мурадов ва Хив гъулан ЦБС-дин директор Зумрия Сеидягьмедовара айи.

 

Дурар му хъуркьувалихъди тебрик апIурача.