Наргиз Гюлечова

Аьхиримжи гьяфтайиъ машинарихъ хъубзру бензиндин кьимат за дубхьнайивалин гьякьнаан хайлин гафар-чIалар а. Дугъриданра, айи агьвалат гьациб хьузра ву. Июлин вазлихъанмина гъийин йигъаз АИ-92 бензиндин кьимат 11,6%-дин за дубхьну, литрихъ 72 манат, хъа АИ-95 бензин 8,7% за дапIну, дидин литрихъ туврайи кьимат 81 манат гъабхьну.

Кьиматар за хьувалин гьякьнаан республикайин энергетикайинна тарифарин министерствойи тувнайи мялуматариинди, асас вуди литр бензиндихъ туврайи кьиматар за хьувалин себеб гьадму вуки, аьхю кьадарниинди бензин туврайи компанйирира, дидин кьимат за дапIну, АИ-92-йин литр 64 манатдиз, хъа АИ-95-йин литр 72 манатдиз масу тувра. Гьаддиз, заправкйириан туврайи бензиндин кьиматра за гъабхьну.
«Саб дупну мукьан гизаф кьиматар за хьувалин асас себеб, нафтлин сурсатариз яманди игьтияж’вал ади, дурар гьясил апIурайи карханйир вахтниинди ляхин тамам апIуз хъудрукьрайивал ву», – гъапну министерствойин пресс-гъуллугънаан.