Зубайдат Шябанова

Хусуси метлеб айи дявдин операция ккебгъу сабпи йигъланмина Хив райондин агьалйири Ватандин маракьар уьрхюри женгнаъ айи ихь эскрариз рягьимлувалин кюмек хьади хайлин ражари гъушну. Магьа гьаму йигъарира «Хореджский сельсовет» гъулан поселениейин глава Раюдин Фарзялиев Луганскдин Халкьдин республикайин Горловка шагьриз рягьимлувалин кюмек хьади гъафну.

 

«Ихь дустарин кюмекниинди, учу хусуси метлеб айи дявдин операцияйиъ варитIан улихь хьайи эскрариз лазим вуйи алатар, палат, ипIру сурсатар ва жара рягьимлувалин кюмек хьади гъафунча», – къайд гъапIнийи Раюдин Фарзялиевди.
Душваъ думу ихь ватандаш, 54-пи полкнан штабдин начальник, подполковник Ибрагьим Бебековдихъди ва штабдин эскрарихъди гюрюшмиш гъахьну, швнур-сар эскриз Хив райондин глава Ярмет Ярметовдин ччвурнахъан баркаллагь мялум апIурайи кагъзар ва муниципалитетдин кIулиъ айирин ва вари райондин агьалйирин терефнаан чухсагъулин мани гафар гъапну.

Чпин терефнаан 31831-пи эскрарин частнан хусуси составдин командованиейи рягьимлувалин кюмек хьади хусуси метлеб айи дявдин операция гъябгъюрайи йишваз гъафи Раюдин Фарзялиевдиз, Хив райондин глава Ярмет Ярметовдиз ва думу кюмек уч апIбаъ пай кивдариз гьюрматнан Грамотйир ва Чухсагъулин кагъзар тувну.
Ихь игит экрариинди дамагъ апIурхьа!