Гюльнара Мягьямедова

13-пи январи Хив райондин администрацияйиъ муниципалитетдин глава Ярмет Ярметов Урусатди Украинайиъ гъабхурайи хусуси метлеб айи дявдин операцияйин иштиракчи Аьлибег Рамазановдихъди гюрюшмиш гъахьну.

 

Райондин главайи хусуси метлеб айи дявдин операцияйиъ ихь эскри улупу кьягьялвализ дилигну, дугъаз чухсагъул мялум гъапIну.

Гюрюшмишдиъ Аьлибег Рамазановди 2024-пи йисан августдин вазли Луганскдиъ командованиейи чпин улихь дивнайи дявдин буйругъ тамам апIруган, чахъди гъабхьи вакьиайикан ктибтнийи. «Душмандихъди вуйи женгнаъ узуз гъагъи зиян дубхьнашра, ликариинди гъягъюз даршули, чвурхури гъягъюри айири, дявдиъ айи йиз дустарикан фикир апIури гъахьунза. Зиян дубхьнайи узу гъахуз кюмек хъубкьиган, сифте гъагъи гьялнаъ айи йиз дуст гъахуб ккун гъапIнийза, хъа узу сулан мукьаъ учIвну, саб гьяфтайиъкьан гъузнийза. Ургудпи йигъан узу гъахуз кюмек хъубкьнийи», – гъапнийи райондин глвайихъди сюгьбатнаъ ихь улихь Аьлибег Рамазановди.

Аьлибег Рамазановдизси, хусуси метлеб айи дявдин операцияйиъ иштирак шулайи ихь имбу эскраризра хас вуйи дирбаш’вали ухьу гьюкуматди дивнайи месэлйир тамам апIбахъ хъаъра.