Табасаран эскрар – Ватандин Аьхю дявдин иштиракчйир
Гьясанпаша Мазалаевич Мазалаев
Табасаран райондин Ругуж гъулаъ бабкан гъахьну.
17 йисан яшнаъди ади чан хушниинди дявдиз гъушну. 1944-пи йисазкьан женгариъ иштирак гъахьну. Гъагъи зиян гъабхьиган, Ватандин Аьхю дявдин 1-пи группайин инвалид духьну, кьяляхъ хулаз гьафну.
Ватан уьбхбан женгариъ игитвал улупбаз лигну, Гьясанпаша Мазалаев 17 ордендиинди ва медалариинди лишанлу дапIна. Гьадму гьисабнаъ сабпи ва кьюбпи дережайин Машгьурвалин орденарра а.
