Табасаран эскрар – Ватандин Аьхю дявдин иштиракчйир

 

Аьбдулязиз Гьяжиевич Гьяжиев

1924-пи йисан Табасаран райондин ЦIурутIил гъулаъ бабкан гъахьну.

 

1942-пи йисан 18 йис дубхьнайи бай чан адашдихъди Ватандин Аьхю дявдиз гъушну. Думу кас Орджоникидзе, Пятигорск, Малгобек, Армавир, Кропоткин ва хъанара жара шагьрар азад апIбан женгариъ иштирак гъахьну.

1943-пи йисан сентябриъ Новороссийск бадали женгнаъ гъагъи зиян дубхьну, думу Мягьячгъалайиъ госпитализ гъухну. Саб вазлиан думу сагъламвалин гьялназ лигну гъулаз гьаъну.

1943-пи йисан ноябрь вазлилан 1944-пи йисан декабрь вазлиз Табасаран райондин НКВД-йин отделин взводдин командир вуди, дугъу ярквраъ айи тIафлар ва ихтиярсузди фронтдиан гьергнайидар тIанкь апIбак аьхю пай кивну. 1950-пи йислан 1966-пи йисаз Табасаран райондин ЦIурутIларин мектебдин директорди гъилихну.

Дявдин женгариъ иштирак’вал апIбаз лигну, Аьбдулязиз Гьяжиев «Уьрю Хяд», Ватандин дявдин орденариинди ва «1941-1941-пи йисари Ватандин Аьхю дявдиъ Германияйиин гъалиб хьпаз лигну», «Дирбаш’вал улупбаз лигну» ва 13 жара медалариинди лишанлу дапIна. Гьацира думу хайлин дявдин ва гьюрматнан грамотйирин сагьибра ву.

Аьбдулязиз Гьяжиев 2011-пи йисан кечмиш гъахьну.