Табасаран эскрар – Ватандин Аьхю дявдин иштиракчйир
Эскер Юсуфович Сяидов
1914-пи йисан Хив райондин Хив гъулаъ бабкан гъахьну.
Эскер Сяидовдиз 1939-пи йисан Хив райондин военкоматди армияйиз дих гъапIну. Думу урсаринна финнарин дявдин иштиракчи ву. Думу дявдиъ Эскер Сяидовдиз сабпи зиянра гъабхьну.
1941-пи йисан Советарин Армияйин жергйириз дих гъапIган, Украинайин фронтдиъ разведчикди гъахьну. Дявдин женгариъ дугъаз швнуб-сабан зийнар гъахьну. 1944-пи йисан фашистарихъди вуйи женгнаъ гъагъи зиян дубхьну, Эскер Сяидов дявдин чюлиъ гъузну. Дугъхьан гуж-балайиинди, чвурхури совет эскрарихьна гъюз гъабхьну. Эскер Сяидов Ватандин дявдин ордендиинди, «Дявдиъ лишанлу хьпаз лигну», «Дирбаш’вал улупбаз лигну» ва хъана жара медалариинди лишанлу дапIна.
