Июндин 3-пи йигъан вахтназ вуди Дагъустан Республикайин Правительствойин Председателин вазифйир кIулиз адагъурайи Инсаф Хайруллин Дагъустандин Огни шагьриъ тикилишчивалин объектдиина гъушну. Душваъ Урусатдин Федерацияйин оборонайин Министерствойин дявдинна тикилишчивалин 4-пи управлениейи 200 бицIир кьабул апIуз шлу бицIидарин багъ тикмиш апIбан ляхнар гъахура.
Дагъ. Огни шагьрин главайин вазифйир кIулиз адагъурайи Жалалудин Аьлирзаевди мялум гъапIганси, яшайишдин дарамат тикмиш апIбан ляхнар гьяракатниинди гъягъюра.
Подряддин тешкилатдин вакилари Инсаф Хайруллиндиз инженервалин сетар арайиз хувалихъди алакьалуди чпиз алахьурайи читинваларикан мялуматар тувну. Гьадму месэлайихъди аьлакьалу вуди, думу вахтниинди гьял апIбан бадали, жавабдар касариз му месэла гьял апIуз шули адрувалин асас себебер аьгъю апIуз табшуругъар тувну.
