1991-пи йисхъан мина гьар йисан июндин 12-пи йигъан ихь уьлкейиъ Урусатдин Йигъ къайд апIури шулу. 1990-пи йисан июндин 12-пи йигъан Урусатдин гьюкуматдин асиллу дарувалин гьякьнаан Декларация кьабул гъапIну.

Гьаму йисан коронавирус тарабгънайивалихъди аьлакьалуди, улихьна йисари гъахру махлукьатлу серенжемар жара къайдайиъди гъягъиди, фицики уьлкейин вари регионариъ эпидемиологияйин аьгьвалат гъагъиб ву. Му йигъан, аьдат вуйиси, Урусатдин Федерацияйин Президент Владимир Путинди илимдин, литературайин, искусствойин ва жара цирклариъ хъуркьувалар гъадагъбаз лигну, гьюкуматдин премйир тувру. Цци машгьур гъахьи инсанариз «Зегьметнан Игит» кIуру ччвурар тувбанди ву. Жара премйир тувувал июндин 24-пи йигъаз илдипна.