Дагъустандин гьюкуматдин педагогвалин университетдин вахтназ вуди ректорин вазифйир тамам апIрурди ихь ватанагьли, тарихнан илмарин кандидат Нариман Асварович Асваров тяйин гъапIну.
Гьюрматлу Нариман Асварович!
Уву вахтназ вуди Дагъустандин гьюкуматдин педагогвалин университетдин ректорин вазифйир тамам апIрурди ктагъувалихъди кIваантIан тебрик апIурача!
Образованиейин ва илимдин гизаф цирклариз заан аьгъювалар айи пишекрар гьязур апIру, деврин тIалабариз жаваб тувру инфраструктура айи, техникайин бинайиин али университет умуд кади гележегдиз либгура.
Гизаф йисари университетдиъ тарихнан факультетдин деканди лихури, уву идара апIбан ляхниъ яв тешкиллувалин удукьувалар, увуз айи аьгъювалар, мумкинвалар ужуб терефнахъанди улупунва.
Гьелбетда, уву ректорин гъуллугъниин тяйин апIували Дагъустандин гьюкуматдин педагогвалин университетдин заан образованиейин артмиш’вализ, заан аьгъювалар айи пишекрар гьязур апIувализ цIийи кьувват тувди.
Педагогвалин университетдин мялимаринна профессорарин коллективди, яв регьберваликкди хъана аьхю аьшкьниинди ляхин апIури, региондин образованиейин циркил артмиш апIбак лайикьлу пай кивди, ихь республикайинси, жара йишварианра дуфнайи ватандашариз тербия тувбан ляхин давам апIиди, гележегдиъ университетдин мялимаринна профессорарин заан пишекарвали, студентарин яратмишари думу цIийи жюрейин вузси яркьу ва мюгькам хьуз вари рякъяр ачмиш апIиди, вузди республикайиъси вари уьлкейиъра чан аваза за апIиди кIури, умуд киврача.
Нариман Асварович, яв кIваъ айи ниятар ва планар хъуркьувалиинди кIулиз адагъуз увуз мюгькам сагъ’вал ва кьувват, гъарашугъарин терефнаан кюмек хьувал ккун апIурача.
Нариман Асваров: «Повышение качества образования должно стать идеологией Даггоспедуниверситета»
