Гьаму йигъари Табасаран райондин ЧвулатI гъулаъ ММА-йин ктикьу жюрейин кчIихбариан республикайин спортдин клубарин арайиъ вуйи турнир кIули гъубшну.
Талитар Табасаран райондин админист-рацияйин ва РД-йин спортдин кчIихбарин Федерацияйин кюмекниинди панкратиондиан Дагъустандин сборный командайин кIулин тренер Аьбдулкерим Айгуновди тешкил гъапIну.
Талитариъ Буйна-гъск, Дербент, Таба-саран районариан ва Мягьячгъала шагьриан 100-тIан артухъ спорт-сменар иштирак гъахьну. РД-йиъ айи ММА-йин СБИ-йин Федерацияйин президент Мартин Сефербеговдин гафариинди, турнириъ иштирак гъахьи спортсменарин арайиъ СБИ-йиан Москвайиъ кIули гъубшу Урусатдин чемпионатдин гъалибчйирра айи.
Турнирин натижйириинди сабпи йишв Буйнагъск шагьрин «Скорпион», кьюбпи ва шубубпи йишвар Дербент шагьрин «Скор-пион» ва «Молот» спортдин клубари гъидисну.
«КчIихбан варитIан ужуб техника» номинацияйиъ Нурудин Айвазовдиз, «Гъалиб-валихьна вуйи гьевесназ лигну» номинацияйиъ Аьдил Мирзахановдиз, «ВаритIан ухди кку-дубкIу кчIихуб» номинацияйиъ Ярягьмед Сеидовдиз хусуси метлеб айи пешкешар тувну.
