Зубайдат Шябанова
26-пи августди Табасаран райондин глава Мягьямед Къурбановди АТК-йин заседаниейиъ иштирак шулайи вакилар РФ-дин МВД-йин Табасаран райондиъ айи отделин цIийиди тяйин дапIнайи начальник, терроризмдихъди женг гъабхру комиссияйин цIийи вакил Арсен Аьрабхановдихъди таниш гъапIну.

 
Аьрабханов Арсен Залимханович Табасаран райондин Хюряхъ гъул’ан ву. 2004-пи йисан дугъу Краснодарский юридический институтдин Ставрополиъ айи филиал ккудубкIну.

 
Арсен Аьрабхановди айтIан органариъ гъуллугъ гъабхури 22 йис шула. Табасаран райондин ОМВД-йин начальникдин гъуллугъниина тяйин апIайиз улихьна думу Дербент райондиъ айи Урусатдин ОМВД-йин участковый инспекторарин начальник вуди гъахьну.
Муниципалитетдин кIулиъ айири Арсен Аьраб-хановдиз цIийи гъуллугънаъ хъуркьувалар ккун гъапIну ва дугъу чан гъуллугъниинди Табасаран райондиз хайир хрувалик миж кивну.