Ноябрин вазлин аьхиримжи элгьет йигъ ихь уьлкейиъ дадайин Йигъси къайд апIуру. Му йигъахъди аьлакьалу вуди гъахру серенжемарин дахилнаъди Хив райондин Ляхла гъулаъра шадлугънан мажлис кIули гъубшнийи. Гъулан библиотекайин заведующий Раман Къурбановдин ва культурайин Хулан художествойин руководитель Аьбдулгъани Ражабовдин кюмекниинди му мярака тешкил гъапIур Ляхлаарин культурайин Хулан директор Фирудин Маллаев вуйи. Уч духьнайи 25...
Ифи деебтувалиинди инсанар сагъ апIуз 2 агъзур йистIан улихьна хъюгъну. Му жюрейиинди сагъ апIувал гизаф халкьари ишлетмиш апIури гъахьну. Му операцияйи инсан «чиркин» ифдихьан азад, ифи марцц апIуру, кIури шулу. Советарин Союздин девриъ ихь уьмриъ хиджамайикан яркьуди мялуматар адайи. Гьамус хиджама халкьдин медицинайиъ яркьуди ишлетмиш апIура, хъа аьдати медицинайиъ ифи лабораторияйиъ анализар апIбан бадалитIан адабгъурадар....
Декабрин 3-диъ вари дюн’яйин инвалидарин йигъ Табасаран райондин КЦСОН-диъ аьхю тафавутлувалиинди къайд гъапIну. Инвалидарин машквриз бахш дапIнайи серенжемдиъ, дурар тебрик апIури, КЦСОН-дин директор Нариман Аьлиев, вари Урусатдин инвалидарин жямяаьтлугъ тешкилатарин отделенйирин РД-йин Табасаран райондиъ айи тешкилатдин председатель Уружбег Демирбегов, «Табасарандин сес» райондин газатдин кIулин редакторин замес-титель Рустам Къурбанов, «Марцци юкIв» фонднан вакил Наида Султанова удучIвну...
Улихьна йигъари Дагъустан Республикайин Халкьдин Собраниейин депутатарин корпусдиъ Хабаровский крайиъ РД-йин Правительствойин вакил вуйи Бейдуллагь Исаевдиз, чав крайиъ гъабхурайи ужуб ляхниз дилигну, РД-йин Правительствойин Гьюрматнан грамота тувну. Бейдуллагь Исаев Дагъустандихьан лап ярхла вуйи Хабаровский крайиъ яшамиш шулашра, урус ва дагълу халкьарин арайиъ айи аьлакьйир яркьу апIури, республикайиъ гъягъюрайи жюрбежюр гьядисйирин гъаразнаъ ади,...
2019-пи йисан 24-пи ноябриъ Хив райондин Ляхла гъулаъ спортдин цIийи жямяаьтлугъ майдан ачмиш гъапIну. Ляхла гъулан агьалйири му шадвалин мярака ачмиш апIуз лап дикъатлуди гьязурлугъар духнайи. Дурари чпин гъул’ан вуйи ва жюрбежюр йишвариъ яшамиш шулайи гъуландариз теклифар дапIнайи. Му майдан Урусатдин Президентдин грантдин гъалибчи, «БицIи бюджетдин спортдин майдан» проектдин автор, Табасаран райондин...
Ноябрин 27-диъ «Дагъустан» РИА-йин конференцйир гъахру залиъ РД-йин экономикайинна аьтрафарин артмиш’валин министр Гьяжи Султановдихъди республикайин Главайинна уьлкейин Президентдин гюрюшдин натижйириз бахш дапIнайи пресс-конференция гъабхьну. Конференция ачмиш апIури, министри мялум гъапIганси, республикайин Главайи РФ-дин Президентдихъди ди асас вуди рякъярикан, промышленностдикан, экономикайин артмиш’валикан ва йисандин арайиъ гъапIу ляхнарин натижйирикан сюгьбат гъубхну. «Мялум вуйиганси, гьамусяаьт...
2019-пи йисан октябрь вазлин 1-пи йигълан мина 31-пи декабиризкьан Дербент, Дагъ. Огни шагьрарин ва Дербент райондин призывникар РФ-дин Яракьлу Кьувватариз гъуллугъназ гъадагъбан чвлин призыв ккебгъна. Гъубшу гьяфтайиъ Дербент шагьриъ айи призывной пунктдиъ баяр эскервалин гъуллугъназ армияйиз гъахуз гьязур апIру йишван отделин начальник Фарид Мусаевдихъди сюгьбат гъубхнийза. Фарид Абусатовичди призывникар Яракьлу Кьувватариз...
Литературайин чIалниинди – мижрийир Бижлияр – НичIрас, ТIюрягъ.Бижлир – Цилдикк, Заан Яракк, Аскан Яракк.Сигар – Пилигъ, Ругуж, Хянягъ.Жирижар – Мажвгул.Зиргияр – Къужникк, Улуз, Шилла, Улзигъ, Ккувлигъ.Мижлияр – ЦIуртIил, ЖагътIил, УртIил, Халагъ, Ергюнигъ.Мижрийир – Хьарагъ.Швум зазар – Яргъил, Чювекк.УчIвру цIабар – Хив.
Гьаму улихьна йигъари узу Урусатдин юкьубпи нумрайин Федералин налогарин гъуллугънан Дагъустан Республикайиъ айи Табасаран райондин МРИ-йин аьхюнур гъуллугъчи – эксперт Марат Гьяжиибрагьимовдихъди гюрюшмиш гъахьунза ва дугъкан гьаму йисан йицIуб вазлин арайиъ Табасаран райондин бюджетдиз налогар уч апIбан план тамам шулаш, шуладарш ва думу фициб гьялнаъ аш, ктибтуб ккун гъапIнийза. Дугъу узуз туву мялуматар...
Ноябрин ваз чвлин аьхиримжи ваз ву. Гьаддиз малдарари имтигьян тувру вахт дуфна. Фуж кьюрдухьна фици гьязур гъахьнуш, гьаддикан мал-къара кьюрд’ан адапIуз лазим вуйи ипIруб масу гъадабгъувал асиллу хьибди. Дербент шагьрин УАПК-йин начальник Мягьямедрашид Къурбановди узуз гьамциб мялумат тувну: «Гъи Дербент райондиъ фермервалин 176 мяишатар а. Дурарин аьхюну пай хусуси фермйир ву, хъа...
