Сентябрин 23-пи йигъан Казахстандин Нур-Султан кIуру шагьриъ грепплингдиан кIули гъубшу Варидюн’яйин чемпионатдиъ Урусатдин грепплингдин спортдиин машгъул вуйи ужудар спортсменар айи командайин дахилнаъди ихь ватанагьли, Хючна гъул’ан вуйи Багъир Гьясратовра иштирак гъахьну.  Мялум вуйиганси, Багъири сач грепплингдиан ихь республикайиъ кIули гъубшу Европайин чемпионатдиъра чанубсиб гъагъ айи спортсменарин арайиъ 1-пи йишв гъадабгъну. Хъасин бажаранлу спортсмен варидюн’яйин чемпионра...

Табасаран райондин 90 йисандин юбилейин серенжемарин дахилнаъди сентябрин кьюбпи гьацI’ан тина райондиъ спортдин жюрбежюр талитар кIули гъягъюра. Гьадму гьисабнаан футболиан, волейболиан, шашкйириан ва шахматариан, пучIу атлетикайиан, хилариинди кчIихбан жюрейиан турнирар гъушну. Волейбол ЦIиб улихьнаси Табасаран райондин Кьалухъ Мирзайин ччвурнахъ хъайи спорткомплексдиъ волейболиан талитар гъахну.Талитариъ 1-пи йишв Хьарагъ гъулан волейболин командайи, 2-пи йишв – Ругуж-Хянягъ командайи,...

      Татарстандин меркез Казань шагьриъ Булгарин исламдин академияйиъ докторантура ккудубкIу выпускникариз улихьнаси дипломар тувну.   Кьюд йисан урхбан ва диссертация уьбхбан кьяляхъ, исламдин илмарин докторвалин ччвур йирхьур касдиз тувну. Дурарин арайиъ ихь ватанагьли, Дагъустандин исламдин университетдин шариаьтдин илмарин мялим Табасаран райондин СертIил гъулан агьали Мугьяммад-Амир Мевлютовра а. Думу Дагъустан Республикайиъ исламдин илмарин сарпи...

    Мягьячгъала шагьрин В.Лениндин ччвурнахъ хъайи майдан рас апIуз хъюгъна. Дидин гьякьнаан шагьрин глава Салман Дадаевди мялумат тувну.   Ихь меркездин кьялан майдан рас апIбан кьяляхъ, думу вари шагьрин агьалйириз ва ухьухьна дуфнайи хялариз рягьятвал гъадабгъру, сейир апIру, гъийин деврин тIалабариз жаваб туврайи ужуб йишв хьибди. Майдандин жиликк ккивнайи плитка ккадабгъну, гранитдин плитка ккивди,...

      Табасаран райондин – 90 йис   Ихь шаир Эльмира Аьшурбеговайи гъапиганси, Табасаран район арайиз дуфну 90 йис къайд апIуз гьязур шулайиваликан Дагъустандиъ хабар адрудар завуъ айи жакьварра амдаршул.   Ав, гьаци хьузра ву. Гьязурлугъ’валар гьяракатниинди ва гъизгъинди кIули гъягъюра. Юбилейихъди аьлакьалу шадлугънан асас серенжемар Хючна гъулан аьтрафариин ерлешмиш дубхьнайи Ургур чвуччвун ва...

    Гъи Дагъустан Республикайиъ терроризмдихъди женг гъабхбахъди аьлакьалу къанунариз ва дицдар гьяракатарин гьякьнаан силис гъабхбан, суд апIбан месэлйириз аьхю фикир тувра.   Гъийин девриъ гьарсаб дагъустан хизандиз терроризм кIуру гаф варитIан къутIкьлиб дубхьна. Гьаз гъапиш республикайиъ террористарикан дерд ктрубкIу кас амдар. Гьам мусурман, гьам хачперез, гьам буддизм ва гьацира дюн’яйин жара динариъра инсан йивну...

    Сентябрин 15-пи йигъан ихь республикайиъ Дагъустандин халкьарин сабвалин Йигъ къайд гъапIну. Му машквар, дагъустандин вари халкьар сатIи духьну, 1741-пи йисан къурхулу гьюкумдар Надир-шагьдин зурба кьушум женгнан майдандиан аьйибниинди гьергуз гъитувалин йигъ лишанлу апIури, 2011-пи йисхъан мина къайд апIуз хъюгъна.   Дагъустандин вари халкьарин уьмуми машквар улубкьайиз улихьна, РД-йин журналистарин Союзди Гуниб райондинна Согратль...

    ТIумутIчивал – Дагъустандиъ варитIан аьхю тажруба айи гъулан мяишатдин циркларикан саб ву гъапиш, сарира инкар дарапIур. Ихь юрдариъ пишекарвалин ужудар аьгъювалар айи сяняаьткрар, гьуркIну ляхин апIру касар, лазим вуйибкьан техника, шид тувру тIумтIин ужудар багълар а.   Гьаму сентябрин эвелариъ Табасаран райондин ТIивак гъул’ан вуйи ва Дербент шагьриъ яшамиш шулайи Казбек Идрисовдихъди гюрюшмиш...

    Дербентдиъ деврин тIалабариз жаваб тувру диализ апIру центр ачмиш гъапIну. Центри магьа сарпи аьзарлуйирра кьабул апIура. Шагьрин агьалйириз му аьхю гьядиса гъабхьну, фицики центр ачмиш апIбаз ккилигури, дурарин швнуд-сад йис вуйи.   КIваин апIуз ккундучуз, 2016-пи йисан ноябрин вазлиъ шагьрин кIулин больницайин бинайиинди либхурайи гемодиализдин отделение хъябкьнийи. Гьаддихъан мина аьзарлуйир хусуси клиникйириз илтIикIуз...

      2019-пи йисан 1-пи октябрихъан 31-пи декабризкьан Табасаран райондиъ 1992-2001-пи йисари бабкан гъахьи жигьилар армияйиз гъахбан чвулин призыв кIули гъябгъиди.   Урусатдин Яракьлу кьувватариъ чпин эскервали буржи тамам апIуз Табасаран райондиан 75 жигьил баяр гъягъиди. Дурари сад йисандин арайиъ Урусатдин юкьби военный округариъ, гьацира Кафари флотдиъ оборонайин министерствойин ва Росгвардияйин частариъ гъуллугъ апIиди....