Декабрин аьхириъ Подольск шагьриъ ММА-йин СБИ-йиан живанарин арайиъ вуйи Урусатдин чемпионат кIули гъубшну. Думу чемпионатдиз Дагъустандиан, Мартин Сефербегов кIулиъ ади, хайлин жигьил чемпионарикан уч дапIнайи команда гъубшну. Дагъустандиан вуйи командайин арайиъ Табасаран райондин вакиларра айи.
Мартин Сефербеговдин гафариинди, чемпионатдиз душнайи спортсменар грепплингдиан ва ММА-йиан талитариъ иштирак гъахьну.
«Чемпионатдиъ иштирак гъахьи, Табасаран райондин Сиртич ва ЧвулатI гъулариан вуйи, Тимур Къурбановдин хиликк гьязур шулайи ихь живанарира пешкешнан йишвар гъадагъну. Дурарин арайиъ 1-пи йишварин сагьибар гъахьи Мягьямедрасул Мирзаханов ва Аьгьмед Сефербегов (ЧвулатI гъул), Ибрагьим Гьяжиибрагьимов ва Басир Келбиев (Сиртич гъул) ва 2-пи йишвариз лайикь гъахьи Исмяил Мирзаханов (ЧвулатI гъул), Идаят Идаятов (Сиртич гъул) улупуз шулу.
Пуз ккундузузки, му чемпионат цци Минск шагьриъ кIули гъябгъру Европайин чемпионатдиъ иштирак хьуз ужударсдар спортсменар гъядягъюз тешкил дапIнайиб вуйи», – натижа гъивнийи Мартин Сефербеговди.
Урусатдин чемпионатдиъ иштирак гъахьи вари командйирин арайиъ Дагъустандиан вуйи командайи кьюбпи йишв гъадабгъну, хъа командайин кIулиъ айи Мартин Сефербегов медалииндина кубокдиинди лишанлу гъапIну.
Гьаму темайиан урхай:
ММА ЧвулатIна гъафну
Тренер, спортсмен ва ММА
